Тус цагдаагийн хэлтсээс 2022 оны 01 дүгээр улирлын "Сахилга, хариуцлагын зөвлөгөөн"-ийг зохион байгууллаа. Зөвлөгөөнөөр алба хаагчдын сахилга, ёс зүй, ажлын хариуцлагыг сайжруулах чиглэлээр мөн хэрэгжүүлсэн ажил, арга хэмжээний мэдээлэл болон тасгуудаас дотооддоо зохион байгуулсан ажлыг танилцууллаа. Сахилга, ёс зүйн зөрчил гаргахаас хэрхэн урьдчилан сэргийлэх талаар нийт алба хаагчдын дунд "Нээлттэй хэлэлцүүлэг" явуулж, алба хаагчдаас мэдээлэл хийлээ. Зөвлөгөөний үед алба хаагчдад хандан бэлтгэл хурандаа Д.Дорж цагдаагийн алба хаагчийн мөн чанар, хувь хүний соёл, албаны нэр хүндийг өргөх, хариуцлагатай байхад анхаарч ажиллахыг зөвлөж, Цагдаагийн хэлтсийн даргаас нийт алба хаагчдад сахилга, ёс зүй, ажлын хариуцлагыг дээшлүүлэх чиглэлээр үүрэг өглөө.