Багануур дүүрэг дэх цагдаагийн хэлтэс нь 1978 онд БНМАУ-ын Сайд нарын зөвлөлийн 315 тоот тогтоолоор анх 4 офицер, 6 цагдаатай, цагдаагийн групп болон байгуулагдаж анхны даргаар цагдаагийн дэд хурандаа Л.Хорлоо томилогдон ажиллаж байлаа.

  1980 онд цагдаагийн хэлтэс болон өргөжиж цагдаагийн хошууч Д.Цэдэн /1980-1983 он/, хошууч генерал Л.Гарамжил /1983-1986 он/, цагдаагийн хурандаа Н.Бямбаа /1986-1990 он/, цагдаагийн дэд хурандаа Ц.Баярсайхан /1990-1993 он/, цагдаагийн дэд хурандаа Б.Ганчулуун /1993-1995 он/, цагдаагийн хурандаа Д.Бархас /1995-2002 он/, цагдаагийн хурандаа Ц.Батчулуун /2002-2008 он/, цагдаагийн хурандаа Б.Даваажав /2008-2012 он/, цагдаагийн дэд хурандаа Т.Төгс /2012 оны 5-р сараас 2012 оны 11 сар/, цагдаагийн хурандаа Ү.Хосбаяр /2012-2015/, цагдаагийн хурандаа Т.Төгс /2015-2018/, цагдаагийн хурандаа Л.Ариунбат /2018-2021/, цагдаагийн дэд хурандаа Б.Эрдэнэбилэг 2021 оны 08-р сараас тус цагдаагийн хэлтсийн даргаар ажиллаж байна.